GPRB PSI (Wireless) and Technical Operator

ગુજરાત પોલીસ ભરતી બોર્ડ દ્વારા વાયરલેસ વિભાગમાં વર્ગ-૩ની પોલીસ સબ ઇન્સ્પેક્ટર (વાયરલેસ)ની ૧૭૨ અને ટેકનિકલ ઓપરેટરની ૬૯૮, કુલ ૮૭૦ જગ્યાઓ માટે સીધી ભરતીની જાહેરાત કરવામાં આવી છે. ઉમેદવારો પાસેથી તા. ૦૯/૦૧/૨૦૨૬ થી ૨૯/૦૧/૨૦૨૬ દરમિયાન OJAS મારફતે ઓનલાઈન અરજીઓ મંગાવવામાં આવી હતી. બંને સંવર્ગ માટે ૩ કલાકની ૨૦૦ ગુણની ૨૦૦ પ્રશ્નોની હેતુલક્ષી (MCQ) લેખિત પરીક્ષા યોજાશે, જેમાં ભાગ-A ૮૦ ગુણ અને ભાગ-B ૧૨૦ ગુણનો રહેશે. ભાગ-Aમાં તાર્કિક ક્ષમતા અને ડેટા ઇન્ટરપ્રિટેશન, માત્રાત્મક અભિયોગ્યતા, ભારતનું બંધારણ તથા સાંપ્રત પ્રવાહો અને સામાન્ય જ્ઞાનનો સમાવેશ થાય છે. ભાગ-Bમાં મુખ્યત્વે ઇલેક્ટ્રોનિક્સ, ડિજિટલ ઇલેક્ટ્રોનિક્સ, કમ્યુનિકેશન એન્જિનિયરિંગ, માઇક્રોપ્રોસેસર, કમ્પ્યુટર નેટવર્ક, નેટવર્ક સુરક્ષા અને અન્ય ટેકનિકલ વિષયોનો સમાવેશ થાય છે. બંને ભાગમાં લઘુત્તમ ૪૦% ગુણ મેળવવા જરૂરી છે અને ખોટા જવાબ માટે ૦.૨૫ ગુણની નેગેટિવ માર્કિંગ રહેશે; બંને ભાગ અલગથી પાસ કરવાના રહેશે.