SPIPA UPSC IAS/IPS/IFS TRAINING CLASS ENTRANCE EXAM 2026

સરદાર પટેલ લોકપ્રશાશન સંસ્થા (SPIPA), અમદાવાદ દ્વારા UPSC Civil Services Examination 2027 (IAS, IFS, IPS વગેરે) તથા અન્ય Group-A કેન્દ્રિય સેવાઓની તૈયારી માટે પ્રશિક્ષણવર્ગ 2026-27 માટે પ્રવેશ પરીક્ષા યોજવામાં આવી રહી છે. આ નોકરી માટેની ભરતી નથી, પરંતુ ગુજરાત સરકાર દ્વારા સંચાલિત તાલીમ કાર્યક્રમ છે. પ્રવેશ પરીક્ષા 27 સપ્ટેમ્બર 2026, રવિવારના રોજ બે પેપરમાં યોજાશે General Studies-1માં 100 પ્રશ્નો અને 200 ગુણ, જ્યારે General Studies-2 (CSAT)માં 80 પ્રશ્નો અને 200 ગુણ રહેશે. બંને પેપર MCQ આધારિત રહેશે અને પરીક્ષાનું કુલ ગુણભાર 400 ગુણ રહેશે; ખોટા અથવા એકથી વધુ જવાબ માટે પ્રશ્નના કુલ ગુણના 33% ગુણની કપાત થશે. પ્રવેશ પરીક્ષાનો અભ્યાસક્રમ UPSCના ધોરણને અનુરૂપ છે, જેમાં General Studies-1માં ઇતિહાસ, ભૂગોળ, બંધારણ, અર્થવ્યવસ્થા, પર્યાવરણ, વિજ્ઞાન અને Current Affairs જેવા વિષયોનો સમાવેશ થાય છે, જ્યારે CSATમાં Comprehension, Reasoning, Decision Making, Basic Numeracy અને Data Interpretationનો સમાવેશ થાય છે.
ઓનલાઇન અરજી 7 ઓગસ્ટ 2026થી 5 સપ્ટેમ્બર 2026 સુધી સ્વીકારવામાં આવશે અને પ્રવેશ પરીક્ષાનું પરિણામ બંને પેપરના સંયુક્ત 400 ગુણના મેરિટના આધારે તૈયાર કરવામાં આવશે.

SPIPA UPSC  પ્રશિક્ષણવર્ગ પરીક્ષા 2026 ની મુખ્ય વિશેષતા

SPIPA પ્રશિક્ષણવર્ગ 2026-27 – વિષયવાર ગુણભાર

પેપર-1 માટે 2 કલાક અને પેપર-2 (CSAT) માટે 2 કલાકનો સમય આપવામાં આવશે. બંને પેપર MCQ આધારિત રહેશે અને બંને પેપર આપવાનું ફરજિયાત છે.

નોંધ: ખોટા જવાબ અથવા એક પ્રશ્નમાં એક કરતાં વધુ જવાબ પસંદ કરવા બદલ તે પ્રશ્નના કુલ ગુણના 33% ગુણની કપાત કરવામાં આવશે.